“Definitely this affects the healthcare of the patient because some of this patients specially on dialysis or patients that would need admissions because the don’t have Philhealth they are much dependent on the funds coming from PDAF.” — Dr. Leopoldo Vega, Chief of Hospital, Southern Philippines Medical Center (RITCHIE TONGO / PHOTOVILLE International)
DAVAO, Philippines — Ilang linggo matapos na itigil ang pagre-release ng pondo ng mga mambabatas mula sa kanilang Priority Development Assistance Fund (PDAF) o pork barrel ay ramdam na rin ng Southern Philippines Medical Center ang epekto nito.
Ayon kay Dr. Leopoldo Vega Chief of Hospital ng Southern Philippines Medical Center, taon taon ay naglalaan ng pondo ang ilang congressman at senador sa SPMC upang doon kunin ang medical assistance na ibibigay para sa kanikanilang mga constituents na nagkakasakit.
Ngunit ngayong itinigil na ang pagrerelease ng PDAF ay wala na ring makuhang tulong ang mga pasyente mula sa kanilang mga representante.
“Definitely this affects the healthcare of the patient because some of this patients specially on dialysis or patients that would need admissions because the don’t have Philhealth they are much dependent on the funds coming from PDAF,” pahayag ni Dr. Leopoldo Vega na Chief of Hospital ng Southern Philippines Medical Center.
Sa ngayon, tanging pagbibigay ng maliliit na diskwento lamang ang kayang maitulong ng naturang ospital para sa mga pasyenteng hindi maka kuha ng tulong mula sa mga congressional office dahil limitado din anila ang pondo ng isang government hospital.
Dagdag pa ni Dr. Vega, “What were doing is we are actually getting it on our shoulders to just give them the necessary discounts or subsidy if they really need the services that they would like to have.”
Naantala na rin ang pagsasa ayos at pagpapatayo ng mga pasilidad ng SPMC dahil sa nasabing problema.
Kaya naman mas paiigtingin na lang ng ospital ang paniningil mula sa Philhealth upang magpatuloy ang maayos na pagpapatakbo at pagsesrbisyo nito sa publiko kahit wala munang pondo mula sa PDAF ng mga mambabatas. (LOUELL REQUILMAN / UNTV News)