DOH Campaign Poster
MANILA, Philippines – Ilang araw pa bago magpalit ng taon ay umaabot na sa 113 ang bilang ng mga biktima ng paputok sa iba’t-ibang lugar sa bansa.
Sa pinakahuling tala ng Department of Health (DOH), 87 na ang naputukan at nasugatan sa kamay at 19 ang may eye injury.
Pinakamaraming naitalang naputukan ng piccolo ay sa National Capital Region (NCR).
Ang nasabing bilang ay mas mataas kumpara sa kaparehong panahon nang nakaraang taon.
Bunsod nito, nanawagan ang DOH sa publiko na kung maaari ay huwag nang gumamit ng paputok sa pagsalubong sa bagong taon at sa halip ay sari-saring pampa-ingay na lamang. (UNTV News)